دورہ جنوبی افریقہ کے لیے قومی کرکٹ ٹیم کا اعلان آئندہ ہفتے کیے جانے کا امکان ہے۔پاکستانی ٹیم جنوبی افریقہ میں 3 ون ڈے، 3 ٹی ٹوئنٹی اور 2 ٹیسٹ میچز پر مشتمل سیریز کھیلے گی، جنوبی افریقہ کے خلاف قومی اسکواڈ میں ردو بدل کا امکان ہے۔
وائٹ بال سیریز کے لیے فخر زمان کی واپسی ہو گی جبکہ ٹی ٹوئنٹی سیریز کے لیے صائم ایوب کی بھی قومی اسکواڈ میں واپسی ہو گی،ٹیسٹ سیریز کے لیے بابر اعظم، نسیم شاہ اور شاہین شاہ آفریدی کی واپسی ہو گی۔
ٹی ٹوئنٹی، بابراعظم سب سے زیادہ رنز بنانے والے بیٹرز کی فہرست میں دوسرے نمبر پر آ گئے
ذرائع کے مطابق دورہ آسٹریلیا میں اچھی کارکردگی کا مظاہرہ کرنے والے کھلاڑیوں کو ترجیحی بنیادوں پر منتخب کیا جائے گا۔ بنیادی طور دونوں فارمیٹس کے لیے 18، 18 رکنی اسکواڈ تشکیل دیے جانے کا امکان ہے۔
فائنل اسکواڈ کا اعلان سیریز سے قبل ہی کیا جائے گا تاکہ کھلاڑی کنڈیشنز سے ہم آہنگ ہو جائیں، واضح رہے کہ پاکستان 10 دسمبر سے 7 جنوری تک جنوبی افریقہ کے خلاف سیریز کھیلے گا۔
The post دورہ جنوبی افریقہ ، قومی ٹیم میں تبدیلیوں کا امکان appeared first on ہم نیوز.
