جنوبی افریقہ کو ٹیسٹ میچز میں شکست دینے کیلئے حکمت عملی تیار

پاکستان کو جنوبی افریقہ میں ٹیسٹ کرکٹ میں مشکلات کا سامنا رہا ہے جب کہ پاکستان نے اگلے ماہ جنوبی افریقا میں 3 ون ڈے، 3 ٹی ٹوئنٹی اور 2 ٹیسٹ میچز کی سیریز کھیلنا ہے۔

پاکستان اور جنوبی افریقہ کے درمیان وائٹ بال سیریز 10 سے 22 دسمبر تک کھیلی جائے گی، سیریز کا پہلا ٹیسٹ 26 دسمبر سے سینچورین اور دوسرا ٹیسٹ 3 جنوری سے کیپ ٹائون میں کھیلا جائے گا۔

عاقب جاوید ون ڈے کرکٹ ٹیم کے ہیڈکوچ مقرر

ذرائع کے مطابق اگلے ماہ جنوبی افریقا میں کھیلے جانے والے2 ٹیسٹ میچز کی سیریز کیلئے حکمت عملی تیار کر لی گئی ہے جس کے تحت ٹیسٹ سیریز سے قبل جنوبی افریقہ میں ٹریننگ کیمپ لگانے کا فیصلہ کیا گیا ہے۔

ذرائع کا بتانا ہے کہ جنوبی افریقا میں ٹریننگ کیمپ لگا کر کھلاڑیوں کو کنڈیشنز سے ہم آہنگ ہونے کا موقع دیا جائے گا، ٹریننگ کیمپ میں ٹیسٹ کھیلنے والے کھلاڑی شرکت کریں گے ۔

The post جنوبی افریقہ کو ٹیسٹ میچز میں شکست دینے کیلئے حکمت عملی تیار appeared first on ہم نیوز.