یوکرینی صدر کا روس کیساتھ جنگ ختم کرنے کی حمایت کا اعلان

غیر ملکی خبر رساں ایجنسی کے مطابق یوکرینی صدر نے اپنے ایک بیان میں کہا ہے کہ امید ہے ڈونلڈ ٹرمپ کی جانب سے امریکی صدارت سنبھالنے پر روس یوکرین جنگ جلد ختم ہو جائے گی۔ اور نئی امریکی انتظامیہ یقینی بنائے گی کہ جنگ ختم ہو جائے۔

انہوں نے کہا کہ امریکی صدارتی انتخابات میں کامیابی کے بعد ڈونلڈ ٹرمپ کے ساتھ ٹیلیفونک گفتگو ہوئی تھی۔ جس میں روس کے خلاف جنگ کے حوالے سے تبادلہ خیال کیا گیا تھا۔

یہ بھی پڑھیں: امریکی صدر اور چینی ہم منصب کی ملاقات 15نومبر کوہوگی

یوکرینی صدر نے یہ واضح نہیں کیا کہ ڈونلڈ ٹرمپ نے روس کے ساتھ ممکنہ مذاکرات کے حوالے سے کوئی مطالبات کیے۔ تاہم یہ ضرور کہا کہ انہیں ٹرمپ کی طرف سے کوئی ایسی بات نہیں سننے کو ملی جو یوکرین کے مؤقف کے خلاف ہو۔

واضح رہے کہ روس اور یوکرین کی جنگ دو سال سے زائد عرصے سے جاری ہے جہاں یوکرین کو امریکہ کی حمایت حاصل ہے۔ اس جنگ میں یوکرین کے مختلف علاقوں کو نشانہ بنایا گیا ہے اور بہت سی انسانی جانیں بھی ضائع ہوئی ہیں۔

The post یوکرینی صدر کا روس کیساتھ جنگ ختم کرنے کی حمایت کا اعلان appeared first on ہم نیوز.