سانحہ کوئٹہ،حکومت بلوچستان کا 3 روزہ سوگ کا اعلان

اعلامیہ کے مطابق 11سے13نومبر تک بلوچستان میں سوگ منایا جائے گا،سوگ کے دوران سرکاری عمارتوں پر قومی پرچم سرنگوں رہے گا۔

دوسری جانب کوئٹہ سے اندرون ملک ٹرینوں کی آمد ورفت 4دن کیلئے معطل کردی گئی ،ترجمان کے مطابق بلوچستان میں امن وامان کے پیش نظر ٹرینوں کی آمد ورفت معطل کی گئی۔

بجلی کے ونٹر پیکج کے نام پر عوام کو بے وقوف بنایا گیا، حافظ نعیم الرحمن

علاوہ ازیں کوئٹہ میں وفاقی وزیرداخلہ اور وزیر اعلیٰ بلوچستان کی زیر صدارت اجلاس ہوا ،اجلاس میں ریلوے اسٹیشن دھماکے کی ابتدائی رپورٹ پیش کی گئی ۔

اجلاس کے شرکا نے دھماکے سے متاثرہ خاندانوں سے اظہاریکجہتی کیا ، اجلاس میں فیصلہ کیا گیا دہشتگردوں کا سر کچلنے کیلئے پوری طاقت سے اقدامات کئے جائیں گے۔

دہشتگردوں کے ناپاک عزائم ناکام بنانے کیلئے انٹیلی جنس بیسڈ آپریشن کا دائرہ کار بڑھانے کا فیصلہ کیا گیا، محسن نقوی کا کہنا تھا دہشتگردی سے نمٹنے کیلئے بلوچستان حکومت کو ہر ممکن تعاون فراہم کریں گے۔

اسموگ کی وجہ سے موٹروے مختلف مقامات پر بند

انہوں نے بلوچستان حکومت کو ضروری وسائل ترجیحی بنیادوں پر فراہم کرنے کا اعلان بھی کیا، انہوں نے کہا شہداء کے خاندانوں کے ساتھ کھڑے ہیں،شہداء کی قربانیوں کو خراج عقیدت پیش کرتے ہیں۔

دہشتگردی کا مقابلہ کرنے کیلئے پولیس اور لیویز کو جدید خطوط پر استوار کریں گے،پرعزم ہیں کہ بلوچستان سے دہشتگردی کا خاتمہ کرکے دم لیں گے۔

The post سانحہ کوئٹہ،حکومت بلوچستان کا 3 روزہ سوگ کا اعلان appeared first on ہم نیوز.